Innritun á starfsbraut 1. febrúar - 28. febrúar

Rafræn innritun á starfsbrautir fyrir fatlaða stendur yfir dagana 1. til 28. febrúar.  Tímamörk almennrar innritunar gilda þó fyrir umsóknir sem berast eftir þann tíma.  Stefnt er að afgreiðslu allra umsókna á starfsbrautir fyrir lok apríl. Sótt er um í gegnum Menntagátt.

Forinnritun 10. bekkinga 5. mars - 13. apríl

Forinnritun nemenda í 10. bekk (fæddir 2002 eða síðar) hefst mánudaginn 5. mars og lýkur föstudaginn 13. apríl. Nemendur fá bréf frá Menntamálastofnun með veflykli að innritunarvef og leiðbeiningum sem afhent verður í grunnskólunum. Foreldrar/forráðamenn nemenda fá bréf í pósti frá Menntamálastofnun með upplýsingum um innritunina. Sótt er um í gegnum Menntagátt.

Lokainnritun 10. bekkinga 7. maí - 8. júní

Nemendur í 10. bekk hafa frest til sækja um nám í framhaldsskóla eða breyta umsóknum úr forinnritun til miðnættis föstudagsins 8. júní. Einkunnir þeirra verða sendar rafrænt frá grunnskólum til framhaldsskóla eftir skólaslit. Sótt er um í gegnum Menntagátt.

Innritun eldri nemenda 6. apríl - 31. maí

Innritun eldri nemenda (fæddir 2001 eða fyrr) sem eru ekki í framhaldsskóla sem stendur eða ætla að skipta um skóla hefst föstudaginn 6. apríl og lýkur fimmtudaginn 31. maí. Umsækjendur 17 ára og eldri nota auðkenni frá island.is eða rafræn skilríki á greiðslukorti.  Ef sótt er um Íslykil á netinu er hægt að velja um að fá hann sendan á lögheimili, sem tekur 2-5 virka daga eða í netbanka, sem skilar sér samdægurs (undir „rafræn skjöl“).  Rafræn persónuskilríki er hægt að sækja um hjá viðskiptabanka. Sótt er um í gegnum Menntagátt.

Innritun í fjar- og dreifnám 6. apríl - 20. ágúst

Innritun í fjar- og dreifnám hefst föstudaginn 6. apríl og stendur yfir til 20. ágúst. Allar frekari upplýsingar um fjar- og dreifnám má finna á heimasíðu skólans. Þar má einnig finna upplýsingar um áfanga í boði frá og með 6. apríl. Sótt er um í gegnum heimasíðu skólans.